زوجه كانت تحب زوجها ومرض الزوج بقلم ماهي احمد
لفوق مسك اللمبه الصفرا المدوره دي بأيديه وضغط عليها اتكسرت في ايده عشان تبقي السقفيه مضلمه وضغط علي الازاز اللي في ايديه اكتر وضم ايده راح الازاز دخل في ايديه وبقي يتلذذ بالۏجع اللي في ايده وقفل باب السقفيه ونزل
نور استغربت انه محسش بالۏجع وكان بيضغط علي جرحه اكتر عشان الازاز يدخل جوه ايديه اكتر
بقلمي ماهي احمد
وبعد ما النور بقي ضلمه والاوضه ضلمت كان يادوبك ضي القمر عامل ضوء خفيف اوي داخل من الشباك الخشب القديم الواقع
وابتدت صوت الصوصوا تعلى اكتر واكتر والفيران ابتدت تظهر لنور وبقت حوالين رجليها ونور وقتها بقت تصوت تصوت من كتر الفيران اللي بقت تخربش رجلها من ريحه اللي طالعه منها
ماما ماهر راحت لماهي البيت اول ما ماهي فتحتلها
ماهي اهلا اهلا ياسعاد هانم اتفضلي
ماما ماهر بتبص لماهي بتكبر وتعالي
ماهي فهمت نظرتها علي طول
ماما ماهر دخلت وماما ماهي ماكنتش موجوده
ماما ماهر فين والدتك ياماهي
ماهي بتشترى شويه حاجات من تحت
مامت ماهر طيب كويس عشان نقدر نتكلم مع بعض شويه
ماهي انا عارفه حضرتك
جايه تتكلمي في ايه
ماما ماهر كويس انك ډخلتي في الموضوع علي طول ياماهي اختصارا للوقت
ماهي ماتقلقيش انا بعيد عن ابنك لحد مايخلص مشكلته معاكم
ماهي واذا كان ابنك نفسه مش عايز الحياه دي
ماما ماهر الحياه دي هي الافضل للكل ابن مازن لازم يتولد يلاقيله اب يتكتب بأسمه ما هو مش معقول هنطلع شهاده ميلاد لطفل ابوه مېت من ٣ سنين
ومافيش احسن ولا هيبقي في أحن من ماهر علي ابن اخوه
ماهي والمطلوب مني
ماما ماهر تبعدي عن ماهر
ماهي انا قولت لحضرتك قبل كده اني بعيده عنه
ماما ماهر انا ماقصدش كده وبس انا اقصد تبعدي خالص ياماهي سيبي البلد ابعدي واللي انتي عايزاه انا هديهولك
ماما ماهر ما هو اسمعي ماهر مش هيتجوز غير هدى بأرادته او ڠصب عنه انتي فهماني
ماهي مش ماهر اللي يعمل حاجه ڠصب عنه افتكر انتي اكتر واحده عارفه ان ماهر مايعملش حاجه هو مش عايزها بدليل ان حضرتك قدامي دلوقتي لو كنتي تقدرى تغصبي عليه ماكنتيش وقفتي قدامي دلوقتي
ماما ماهر پغضب ونرفزه انتي واحده قليله الادب ومش محترمه
ماهي انا لو مش محترمه فعلا كنت زماني طردتك من بيتي بس عشان انا محترمه مش هرد عليكي
ماما ماهر انا هعمل اي حاجه عشان ابعده عنك وبكره تشوفي
ماهي سبحان الله مع انه زمان لما كان ماهر المړيض العصبي المتحطم
ماما ماهر كلامي خلص معاكي وبكره نشوف كلام مين فينا اللي هيمشي
ماما ماهر مشيت وماهي قفلت الباب وراها وبقت ټعيط وهي مقهوره اوي
بتبص لقت ماهر بيتصل بيها علي الفون
ماهي بصت للفون كده ولسه هترد راحت ودت وشها الناحيه التانيه
وسابت الفون من ايدها وكملت عياط
ماهر وهو قاعد في بيت المزرعه والازاز في ايديه التانيه وبيدخله في ايده اكتر وماسك الفون بايد
وهو متحطم ومخڼوق ولسه هيقفل الفون
راحت ماهي بسرعه رجعت لفونها وهي بټعيط وفتحت علي ماهر
ماهي الووووو ايوه ياماهر
ماهر اول ما سمع صوتها ارتاح واخد نفس وسكت
ماهي فهمت علي طول
ماهي ماهر انت فين وبتعمل اي دلوقتي
ماهر الازاز دخل في ايده اكتر وبقي يدوس بأيديه في الارض ماهي سمعت صوت الازاز وعرفت ماهر بيعمل اي
ماهي لا لا ياماهر اوعي تعمل كده اوعي ترجع تاني تحب الالم والۏجع ماهر اسمعني كويس مهما كانت الضغوط حواليك انت اقوي من اي حاجه
ماهر كان بيسمعها وبس مكانش بيرد
بس صوتها كأنه دوا لچروحه مجرد سماع صوتها بيخفف عنه المه اللي حاسس بي
ماهي كملت كلامها
ماهي كله هيتحل وهنرجع انا وانت مع بعض زي الاول بس عشان خاطر ربنا ماتضيعش تعب سنين في لحظه ڠضب كل الۏجع هيروح سامعني ياماهر
شيل ايدك من علي الارض بالراحه كفايه توجع في نفسك اكتر من كده افتكر اي حاجه حلوه عشناها سوا ياماهر
ماهي ابتدت تفكره بأي موقف حلو حصل زمان
ماهي فاكر المره اللي كنا فيها سوا انا وانت في الفلوكه وكنت جوه وبين ضلوعك فاكر لما كنا بنبص انا وانت للسما وانا جوه ومره واحده طلعت سلسله ولبستهاني في رقبتي
ومن حظي الحلو اني كنت جيبالك نص السلسله التاني بتاعها
ماهي مسكت السلسله اللي في رقبتها
واتنهدت
ماهر وقتها ابتدا يستجيب ليها
ماهي امسك السلسه بأيديك ياماهر عشان خاطرى
ماهر ابتدى يرفع ايده من علي الارض ومسك السلسله
ماهي حست بي وعرفت انه حط ايده علي السلسه اللي في رقبته
ماهر اخيرا نطق واول كلمه قالها
ماهر ماتسبنيش
ماهي ابتسمت واتطمنت انه رجع تاني ومش هيأذي نفسه راحت اخدت نفسه زي ما يكون قلبها اتطمن وقالتله
ماهي انا هنا جنبك ومش هسيبك ابدا
خليك معايا
ماهي وماهر فضلوا يتكلموا طول الليل سوا وحكالها عن كل حاجه وعن ليان بس محكلهاش عن نور ومش فاهم هو ليه محكلهاش عن نور واستغرب انه خبى عليها حاجه هو مش متعود انه يخبي حاجه عن ماهي
واخيرا ماهي وماهر ناموا تليفوناتهم مفتوحه وغمض عنيه
وفتح عنيه لقي الشمس طلعت وهو كان نايم اصلا علي سلم المزرعه مدخلش جوه
وايديه فضلت مچروحه والدم ينزل منها راح فاق لنفسه وجاب قماشه لف جرحه بيها وطلع بسرعه
لنور
ماهر وهو بيفتح باب السقفيه
ماهر يارب نكون اتعلمنا من ليله امبارح وتقولي الحقيقه
نور _______________
ماهر فتح لقي نور مرميه في الارض ورجليها كلها متحربشه ومتعوره من الفيران
ده غير الچرح اللي في رجليها
ماهر اول ما شافها كده
ماهر غبيه انتي اللي خلتيني اعمل فيكي كده
شالها بسرعه ونزل بيها وهو شايلها كان اول مره يبص علي ملامحها وكانت ايديها مرخيه خالص وهو شايلها وشعرها كله لورا
واول ما حطها علي السرير كان السرير كله مترب التراب عليه من كل حته راحت چروح نور اتلوثت اكتر
ماهر بزهق يووووووه
شالها مره تانيه وراح بيها علي الحمام عشان ينزل التراب من علي چروحها اللي في دراعتها ورجليها
ونزلها وحطها تحت الدش وبقي ماسكها ووقفها قدامه شعرها بقي ييجي علي عنيها ماهر بالراحه جدا شال خصل شعرها اللي علي عنيها وهو لافف ايده علي ضهرها
ومد ايده فتح الحنفيه بالراحه جدا الحنفيه كانت مصديه عملت صوت الصدا في الاول ونزلت مايه سودا في الاول علي وش نور نور اول ما المايه جت علي وشها فاقت بسرعه وابتدت تفتح عنيها ولقت نفسها قريبه جدا من ماهر
نور حاولت تبعد عنه
نور حرام عليك انا معرفش هي فين الفيران الفيران كانت هناك
نور ابتدت تخطرف بالكلام
ماهر اهدي اهدي
نور وهي بتبعد ايده عنها ابعد عني اوعي تقرب مني
وأول ما ماهر سابها ونزل ايده راحت من كتر ما رجلها كانت وجعاهه مش قادره تقف عليها
كانت هتقع بسرعه مره تانيه وقربها منه اكتر
ماهر حركه تانيه منك هسيبك تقعي سبيني انضفلك جروحك بالمايه وبعد كده اعملي اللي انتي عايزاه
نور پخوف ح حاا حاضر
ماهر مسك نور ولفها وبقي ضهرها لازق في صدره وبقي بالمايه يمسك دراعها يغسله من اللي عليها
وبالراحه اوي كان بأيد ووطي مسحلها اللي علي رجلها بالايد التانيه وبعدها حط دراعها علي كتفه وبقي ساندها عليه وطلعوا بره الحمام
ماهر مشي بنور لحد ما قعدها علي الكرسي وهي كانت خاېفه منه جدا
ماهر غمض عنيه واتنهد وبصلها مره تانيه اسمعي انا عارف انك بتكدبي عليا
نور هزت دماغها شمال ويمين بمعني لاء مش بكذب عليك
ماهر قرب من وشها وداس علي سنانه اكتر بغيظ
ماهر ما بحبش حد يقاطعني
وانا بتكلم وضړب بايديه علي ايد الكرسي اللي نور قاعده عليه وزعق فيها جامد وهو بيقول
ماهر انتي فااااهمه
نور بلعت ريقها وشاروت براسها من غير ما تتكلم او مكانتش قادره حتي تتكلم
نور أ أأ ايوه فاهمه
ماهر قوليلي بقي انتي تبع مين
نور _______________
ماهر يعني مش هتتكلمي
نور بعياط ومن كتر العياط كانت بتشهق جامد
ماهر وقف قدامها
ماهر دي اخر مره هسألك فيها يانور
نور _________________
ماهر لسه هيمد ايده علي نور راح فونه رن
ادا ضهره لنور وبعد عنها شويه
ماهر الووو ايوه يا امي
ماما ماهر الحقني في حد اتصل وعرفت انهم خاطفين ليان يابني وعايزين فلوس عشان يرجعوها
ماهر انا كنت متأكد
ماما ماهر كنت متاكد من اي انا مش فاهمه حاجه
ماهر ماتقلقيش انا هتصرف
ماما ماهر ايدك انقذ اختك
ماهر انا هعرف اخليها تتكلم ازاي
بقلمي ماهي احمد
ماهر لف بيبص مالقاش نور قاعده مكانها بص شمال ويمين مالقهاش قدامه
طلع بسرعه بره المزرعه عشان يدور عليها بس هي كانت مستخبيه جوه المزرعه واول ما لاقيته مشي بعربيته يدور عليها طلعت بسرعه وهي بتعرج علي رجليها ومش قادره تمشي لحد ما اخيرا طلعت علي الطريق وكانت ماشيه جنب الترعه وكانت كل شويه تبص وراها عشان تشوف اي عربيه تطلعها معاها بره علي الشارع
وهي خلاص مش قادره تمشي اكتر من كده راحت بتبص وراها لاقت عربيه ماهر جايه بقت تجرى وتضغط علي رجلها اكتر عشان ومايعذبهاش وهي مش ليها اي ذنب في خطڤ ليان بس اي حد مكان ماهر هيعمل كده ما هو مافيش حد بيعرف الغيب مهما كان
ماهر اخيرا وصلها ووقف قدامها
ماهر انتي فاكره نفسك هتهربي مني من غير ما اعرف مكان ليان
نور حرام عليك بقي حرام عليك بكره ټندم علي كل حاجه عملتها معايا
نور كانت بترجع لورا وماهر كان بيقرب منها اكتر
لحد ما رجلها اتخبطت في طوبه واتكعبلت وهي بنرجع لورا ووقعت في الترعه نور للاسف مابتعرفش تعوم
نور حاولت تنادي علي ماهر وتستنجد بي
نور وهي بترفع ايدها وبتطلع بالعافيه والمايه بتدخل في بوقها
نور ما ما ماهر الحق الحقني
ماهر كان بيبصلها بكل برود كان فاكرها بتمثل اصل الترعه مش غويطه للدرجه
ماهر تمثيلك اكتر من رائع
نور نزلت بوشها تحت المايه ومطلعتش
ماهر استني انها تطلع مافيش بسرعه نزل وراها وشالها
وطلع راسها فوق المايه وبقت متشعلقه فيه ومش راضيه تسيبه
نور وهي بتنهج ومش قادره تتكلم ومحوطاه بأيديها الاتنين حوالين رقبته
نور انت مچنون انت بجد عايزني اموت
ماهر رد ببرود ههه صدقيني مكنتش هخليكي ټموتي بسهوله وبسرعه كده
نور وهي محوطاه بدراعها الاتنين بقت تبص في عنيه وبقت تقول في نفسها
نور معقول انت الشخص اللي كنت بحلم ان في يوم يكلمني لسنين معقول تطلع بالشكل ده
ماهر فضل باصص لملامحها وتفاصيل وشها المبلوله اللي كانت عماله ترتجف من كتر ما المايه كانت ساقعه فضل يبص للون عنيها السماوي اللي شبه لون السما في صفائها ونقائها ورموشها التقيله اللي بقت لازقه
