حماتي _ كامله _بقلم هويدا زغلول

 محمود
ايه الكلام اللي احنا سمعناه ده يا مروة ابوكي فعلا اتسجن عشان الموضوع ده وكنتي مخبية عليا ولما كنت بسالك قولتي لي انك متعرفيش ايه اللي حصل وايه السبب
مروة بټعيط وقالت
مكنش يعرف اقول حاجة او احكي حاجة يامحمود ده بابا نفسه فضل انه يلبس القضية ومقالش حاجة يدافع بيها عن نفسه وكل ده عشان سيرتي متجيش في الموضوع
الحما
ياحلاوه ده ايه اللي بنسمعة ده يامحمود يابني لا البت دي مبقتش تنفعك خلاص طلقها دلوقتي يامحمود طلقها
الام
جرا ايه ياست ام محمود هو في ايه هو محصلش حاجة عشان ده كله وبعدين بنتي متجوزه ابنك شوفتو منها ايه وحش عشان تخليه يطلقها

الحما
معملتش يعنى الراجل ېتهجم عليها وتسبب في سجن ابوها وتقولي معملتش حاجة لا ياختي بنتك خاطية ولا يمكن تفضل على ذمة ابني دقيقه واحده من دلوقتي
مروة
انا مش خاطية ياحماتي ولا عمري عملت حاجة غلط في حياتي وابنك عارفني كويس اوي وعارف انه متجوزة واحده شايله اسمة وصيناه كويس
كل ده ومحمود واقف ساكت مش بيتكلم
الحما
ااه ياختي اطلعي من دول يابت اطلعي انا قولت طلقها يامحمود يلا ارمي عليها اليمين يلا
مروة
انا اصلا خلاص مش عايزة استني مع ابنك تاني وهو فعلا لازم يطلقني انا لايمكن اعيش مع واحد زيه علطول رامي ودنة ليكي ومش بيسمع حد غيرك فانا هخليه جنبك اشبعي بيه ياحماتي طلقني يامحمود
محمود
مروة اسمعي........
مروة
مش عايزة اسمع ولا كلمة طلقني عشان مامتك تبقا مبسوطه بيك وكمان عشان تفضل جنبها
الحما
انت عارف لو مطلقتهاش حالا لا انت ابني ولا اعرفك
مروة
طلقني
وفعلا محمود طلقني وحماتي قالت
يلا ياختي بالسلامة وانا هجيب قله وارميها وراكي انتي وامك
واخدت امي ومشينا من عندهم وماما قالت
حقك عليا يامروة يابنتي انا السبب في اللي حصل ده
مروة
لا ياماما مش انتي السبب انا اللي كنت متجوزة واحد شورت امه ومش بيعمل اي حاجة غير موافقتها هي وكويس اللي حصل ده سيبك بقا وخلينا نفرح برجوع بابا بالسلامة هو المحامي قالك انه هيخرج امتى
الام
قال بعد يومين ان شاء الله
مروة
يارب يرجع وينور بيته من تاني
وعند أسامة نزل من السفر من غير مايعرف شيماء مراتة وخبط على الباب وكانت امه بتمسح الأرض وشيماء فتحت وهي بتقولها 
اسمحي كويس ياختي انا عايزة الأرض دي بتبرق من النضافة يلا وفتحت الباب وقالت پصدمة 
اااا أسامة اهلا ياحبيبي دي دي ايه المفاجأة الحلوه دي انت مقولتش انك جاي النهاردة
أسامة بص جوه شاف امه وقال 
ينهار اسود ايه ده ايه اللي انتي عملاه في امي ده
شيماء 
انا انا انا عملت ايه ياحبيبي دي هي ااه هي اللي عماله تقولي هاتي وانا امسح بدالك هي
أسامة 
هي ياكدابة ياواطيه هي برضو ولا انتي اللي مشغله امي خدامة عندك يازبالة بقا دي اللي باعت شقتها عشان تسفرني برة وكمان عشان اعيشك عيشه كويسة تقومي تعملي فيها كده بدل ما تشليها فوق راسك
شيماء عيطت وقالت 
م م م مش انا يا اسامة دي.....
وقبل ماتكمل كلامها أسامة قال 
اطلعي بره وانتي طالق ياشيماء
ورجعت شيماء لامها وفضلت عايشة معاها عند محمود وهو كان يرجع من شغله يقفل على نفسه
أسامة عرف حكايتي وجه عندنا وقال 
والله يامروة محمود ده مش يستاهلك واخته مكانتش تستاهل واحد زي تصوري كانت بتعامل امي ولا الخدامة
مروة 
الله يسهلهم يا اسامة انا مش عايزة اسمع سيرت الناس دي تاني
بابا كان اقعد وقاله 
والله يا اسامة يابني الناس دي متستهلش واحد زيك لبنتهم ولا واحده زي بنتي لابنهم اهو