رواية الحمل الأسود جميع الفصول كاملة بقلم الكاتبة خديجة
عليا في جړيمة قتل مشيت بحذر وببطء ناحية الباب وبصيت من العين السحرية لقيت اللى بتخبط واحدة جارتى ساكنة فى الشقة اللى قدامىكنت لابسة قميص نوم شفاف ولان سعاد جارتى متعرفش حاجة عن طبيعة شغلى الحقيقية وكل اللى تعرفه انى متجوزة وجوزى مسافر وبييجي كل كام سنة مرة روحت لبست الروب وفتحتلها اول مافتحت الباب قالتلى بلهفة
لا ياسعاد ده بطنى كانت واجعانى بس اللم كان رهيب
ليه يااختى كفى الله الشړ
فاكرة لما مكنتش بايته هنا كام يوم من خمس شهور
اه يااختى لما قولتيلي سافرتى لجوزك
شكلى كده حامل
يامليون بركة يامليون سعادة خشي يااختى ارتاحىتعالى اسندك لغاية الاوضة
ابدا والله مااسيبك غير على سريرك
اصرت تدخلنى الاوضة وبعد ماوصلتنى للسرير قالتلى
هعمل شاي واعملك معايا
فردت ضهرى على السرير ويادوب لحظات لقيتها بتصرخ من المطبخ قومت جري عليها لقيت الڼار مسكت فى كل مكان سعاد مسكت حتة قماش وعماله تحاول تطفي الحړقة بيها مش عارفة لحد مالنار جت على ايديها واتحرقت دخلت زقتها بره المطبخ سكان العمارة اتلموا بسرعة حوالينا واحد منهم جري يجيب طفاية حړق وواحد اتكعبل فى باب المطبخ فاتقفل عليا وانا جوه الحړقة الڼار حواليا فى كل مكان جسمي سخن وبقى احمر حسيت بان قميص النوم اللى لابساه بيسيح من على جسمى والڼار دخلت على جلدى قعدت اصوت من المنظر اللى شوفته وبطنى عمالة تنبض واحد من السكان زق باب المطبخ بحديدة لقى الڼار مسكت فى كل جسمي مش قادرة انسى تعبيرات وشه وازاى كان باصص لبطنى ومركز معاها اكتر من الڼار ومندهش
سعاد جريت على الاوضه التانية تجيبلى هدوم استر بيها نفسي وكل الرجالة خرجوا بره باب الشقة وطبعا سامعاهم وهما بيلسنوا عليا وعلى جسمى بالكلام وبيهزروا مع بعض رغم ان مش وقته الكلام الفارغ ده واللى كان مدقق فى بطنى اوى ومندهش سامعاه وهو بيحلفلهم مليون يمين انه شاف وحش فى بطنى وعمال يقولهم الڼار مسكت فيها وسيحت قميص النوم وهي مجرالهاش حاجة دى اكيد مخاوية
لبست بلوزة وبنطلون برمودا جابتهولى سعاد من الدولاب وخرجت جري ابص على مين اللى اغمى عليه تقريبا واحدة جارتنا بس انا معرفهاش
جبتلها برفيوم ومياه وجوزها كان واقف من الصدمة فضل مبلم ولا اتحرك من مكانه وتقريبا ده اللى كان متابع بطنى وشاف اللى جواها نسوان البيت قعدت تحاول تفوقها واول مافتحت عينيها بصت لوشي وقعدت تصرخ وټعيط وكأنها فى حالة هيستيرية جوزها شالها وخرجوها من الشقة على شقتها اللى فى الدور التالت وهي عمالة تصوت وتقول انا شوفتها بعيني انا شوفتها بعينى
خبطت عليها فتحلى عيل من عيالها فبتقوله مين
رد عليها بتلقائية طنط جارتنا اللى بابا قالك انها اتحرقت ومحصلهاش حاجة
طبعا كنت فى نص هدومى لكن سعاد خرجت جري وقالتلى
ولا يهمك انا بس قولت اجى اطمن عليكي وامشي على طول
كتر خيرك يا حبيبتي انا اللى كان مفروض
اجى اطمن عليكى بس جوزى امبارح كان اجازة ومعرفتش اعدى عليكى هخلص ترويق البيت وهجيلك اقعد معاكي شويه
بعد شوية دخلت عندى الشقة وقعدت وفضلت ساكتة وكأنها مستنيانى افتح معاها اى كلام يخص موضوع الحړقة حبيت اريحها وقولتلها
شايفاكى مش على بعضك وعايزة تقوليلي حاجة
فعلا عندك حق يااميرة
