في يوم ذهب زوجي للعمل

بيحصل انتوا عرفته مين اللي كان خاطفهم
صبا تقعد على السرير وترجع شعرها لورا لا يا ماما
ما عرفناش مين اللي خطڤهم بس ادعي ربنا ان جدو
ما يكونش له يد في الموضوع ده
امل بطيبه جدك طالما قال ما لوش دخل بالموضوع ده يبقى ما لوش دخل بالموضوع ده ولا هو المحروس جوزك عايز يرمي التهمه على اي حد
صباماما جدو راح الشركه ولا لسه هنا
امل جدك نزل الشركه من الصبح لان بيقول عنده مشكله في الشغل وشايط وعلى اخره مش طايق يشوف حد قدامه
صبا في داخلها اكيد جدو ليه علاقه بالموضوع ده هو كمان
امل بتنبيه يلا قومي اغسلي وشك وانزلي نفطر سوا
صباب ابتسامه خفيفه تمام يا ماما زين هنا ولا نازل الجامعه
امل وهي تخرج من الاوضه لا قاعد تحت بيقول ما عندوش محاضرات النهارده
تنهي كلامها وتنزل تحضر الفطار 
صبا تتجه الى الحمام لتغتسل وتنزل تفطر معهم
في الريسبشن 
مالك بابتسامه صباح الخير يا زينو فطرته ولا لسه
زين وهو يقلب في تليفونه مساووو يا لوك حماتك بتحبك مرت عمك لسه بتجهز في الفطار تعال
مالك هيا صبا بايته هنا من ليله امبارح
زين يقفل تليفونه ويبص له بنظره يفهمهاطب ما هي العصفوره بتاعتك بتبلغك اول باول اهو اللي بيحصل بتسال ليه بقي
مالك والبسمه تعبي وشه ايه هي اخيرا فهمت ان هي ما ينفعش تقعد في القصر د
زين يقطعه بلاش تتحمس قوي كده انت اكتر واحد عارف صبا اهدى فاهمني !!اهدى
مالك انا بوعدك ان هي هترجع هنا على طول وقريب قوي
زين بشك انت ناوي على ايه تاني يا باشمهندس مش كفايه اللي حصل لحد كده
مالك بفرحه اول ما يشوفها نازله ويقول بصوت منخفض خلاص غير الموضوع نتكلم بعدين
ويرجع يوجه كلامه لصبا صباح الخير على عيونك الحلوين
صبا صباح الخير يا مالك كويس انك جيت كنت هكلمك في التليفون
مالك ونبضات قلبه غير منتظمه انا دايما قريب منك في اي وقت هتحتاجيني فيه هتلاقيني
صبا بعدم اهتمام لكلامه تواجه كلامها لزين حبيبي قول له ماما ان احنا قاعدين شويه في الجنينه علي مالفطار يجهز
يخرجوا بعد كده ويقعدوا في الجنينه ومالك كان طاير من السعاده وكانها قالت له تعالى نتجوز مش تعالى نقعد شويه في الجنينه
صبا تخش في الموضوع فورا انا عايزه افهم اللي انت عملته مع ملك ده كان ليه وانت عارف ان هي وطاهر بيحبوا بعض ومرتبطين
مالك بهدوء اولا انا كنت اعرف ان هم بيحبوا بعض من ايام الجامعه لكن ان هم مرتبطين لحد دلوقت انا 
ما كانش عندي علم بالموضوع ده !! وفكرت ان هم سابوا بعض من زمان بسبب طبعا الخلافات اللي بين العيلتين
صبا بشك طيب علشان نقفل الموضوع ده نهائي ملك تنسى موضوع خطبتها ده وطاهر تسحب الشكوى اللي انت مقدمها ضده
مالك من غير ما تقولي يا بنت عمي انا سحبت الشكوى اللي قدمتها ضد طاهر وموضوع ملك انا هكلم جدو يقفله مع عمي خالد
صبا مستغربه من استسلامه طيب كويس والله انك عملت كده من نفسك بس ممكن اعرف بقى ايه الخطه الجديده اللي انت عايز تعملها
مالك يقرب منها ويمسك ايدها صدقيني انا مش هعمل اي حاجه تاني تزعلك مني
تسحب ايدها منه مالك اسمع مني الكلمتين دول وصدقني لو ما كنتش تهمني ما كانش هتفرق معايا ان انا اقولهم لك
مالك بابتسامه وانا سامعك واي حاجه هتقوليها انا هعملها
صبا ترسل تنهيده بص يا مالك شغل السهوكه بتاعك ده معايا بلاش منه !!تمام ويا ريت لو تحاول تشوف حياتك بعيد عني وعن ملك وانا عارفه ان انت وماما ما شاء الله الكيمياء عاليه بينكم لو قلت لها تدور لك على عروسه صاحبتها كتير وعندهم بنات زي القمر خليها تشوف لك واحده منهم وحل عن
دماغي !!!!
تنهي كلامها وتسيبه وتقوم
مالك انت عروستي وانت قمري انت مش
هتنازل عنه مهما حصل انت ليا مهما لفيتي ورحتي هتبقى ليا في الاخر يا صبا
بقلمي حور طه
خلونا نصلي على الحبيب قلبك يطيب
البارت ال الى 24
سمر مالك انت لسه مصر على اللي في دماغك ده
مالك ومن امتى وانا برجع عن حاجه
عايز اعملها
سمر يا مالك بلاش اللعبه مع عيله الطحان مش سهل
وانت عارف
مالك وهو انت شايفاني لقمه سهله تتبلع
سمر للاسف لا عارفه انك مش سهل مالك انا بحبك انت ليه مش عايز تصدق اني فعلا بحبك
مالك وهو بيشرب قهوته سمر بلاش رغي كتير في الموضوع ده عشان احنا اتكلمنا فيه قبل كده وانت عارفه ان قلبي هو ملك الصبا وما حدش هيدخله غيرها فاهدي كده وركزي واعملي اللي قلت لك عليه ومش عايزه اي عك
سمر بتنهيده تمام لو انت مصر على الموضوع ده يبقى انا عندي شرط
مالك بفهم ما تقلقيش رصيدك في البنك هيعلى بمجرد ما تنفذي اللي انا قلت لك عليه
سمر تمام يبقى كده اتفقنا هيبقى امتى
مالك هظبط كل حاجه واكلمك